AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Müəllimi güllələyən şagirdlə bağlı qərar verildi - Həbsdə qaldı


Tarix 17.06.26, 13:53	Font ölçüsü : - / +

Bakıda "İdrak" liseyində müəllimi güllələyən yeniyetmə ev dustaqlığına buraxılmayıb.

AzFakt.com Report-a istinadlaxəbər verir ki, bu barədə Bakı Ağır Cinayətlər Məhkəməsində hakim Vüqar Quliyevin sədrliyi ilə keçirilən prosesdə elan edilib.

Hakim elan edib ki, iş üzrə zərərçəkmiş şəxs məhkəmədə iştirak etmir və nümayəndə ilə təmsil olunur.

Prosesdə təqsirləndirilən yeniyetmənin anket məlumatları dəqiqləşdirilib. Onun anket məlumatlarında qeyd edilib ki, 2010-cu ildə Sumqayıtda anadan olub, orada qeydiyyatdadır. Yeniyetmə "İdrak" liseyində 10-cu sinifində oxuduğunu bildirib.

İclasda elan olunub ki, məhkəmə prosesində yeniyetmənin qanuni nümayəndəsi qismində anası iştirak edir.

Yeniyetmənin vəkili Rəşad Mirmehdizadə onun yetkinlik yaşına çatmadığını əsas gətirərək məhkəmə baxışınının qapalı keçirilməsi ilə bağlı vəsatət qaldırıb.

Daha sonra vəkil müdafiə etdiyi yeniyetmə barəsində seçilmiş həbs qətimkan tədbirinin ev dustaqlığı ilə dəyişdirilməsini xahiş edib.

O deyib ki, yemitmetə hadisəni törədən zaman məsələnin mahiyyətini başa düşməyib və əməlindən peşmandır:

"Həmçinin zərərçəkmiş şəxslə qanuni qaydada barışıq əldə olunub, yaşadığı yerdən müvafiq arayış təqdim edilib. O, İngiltərədə kurs keçib, diplomları və nailiyyətləri var. "İdrak" liseyində ingilis dilindən tərcüməçi kimi tədbirlərdə iştirak edib. Saxlandığı yerdə özünü nümunəvi aparır. İnternetdəki müəyyən oyunların təsirinə düşüb. Ailəsi də bu hadisəni normal qəbul etmir. Xahiş edirik ki, indiki mərhələdə onun barəsində qəbul edilmiş həbs qətimkan tədbiri dəyişdirilsin".

Zərərçəkmiş şəxsin nümayəndəsi də təqsirləndirilən şəxsin qaldırdığı vəsatətə etiraz etməyib.

O bildirib ki, tərəflər arasında barışıq əldə olunub: "Bu səbəbdən, təqsirləndirilən şəxsin ev dustaqlığına buraxılmasına etiraz etmirik".

Vəsatət təmin edilməyib.

Növbəti məhkəmə baxışı iyulunn 1-ə təyin edilib.

Qeyd edək ki, hadisə fevralın 6-da paytaxtın Binəqədi rayonunda yerləşən özəl "İdrak" liseyində baş verib.

Baş Prokurorluğun Mətbuat xidmətinin yaydığı məlumata görə, məktəbdə şagird tərəfindən odlu silahdan atəş açılmaqla müəllimə xəsarət yetirilməsi faktı ilə bağlı rayon prokurorluğuna məlumat daxil olub. Hadisəni törətməkdə şübhəli bilinən şagird saxlanılıb. Fevralın 7-si Binəqədi Rayon Məhkəməsinin qərarı ilə barəsində 4 ay müddətə həbs qətimkan tədbiri seçilib.

Faktla bağlı Binəqədi rayon prokurorluğunda cinayət işi başlanılıb. Azərbaycan Respublikasının Cinayət Məcəlləsinin 29, 120.2.2-ci (Xuliqanlıq niyyəti ilə adam öldürməyə cəhd) maddəsi ilə yekun ittiham elan olunub.

Xəbərin oxunma sayı : 484